Sælar..

Meira en mánuður síðan ég bloggaði seinast, ég er eiginlega orðin of háð myspace þessa dagana að ég hef steingleymt þessu blogcentral...

Jarðaför Þorvaldar var 7 mars. Við bekkurinn hittumst heima hjá Ödda kennara og fórum öll saman í kirkjuna og gátum því öll setið saman.
Rosalega falleg athöfn en alveg rosalega erfitt að kveðja þessa elsku. Páll Rósinkrans söng bæði When I think of angels og Kveðja, alveg rosalega fallegt.
Megi þessi elska hvíla í friði og mun hann vera með okkur um ókomna tíð :*..

Hmmm, þann 11 mars var svo árshátíð dominos, og dróg ég hann robba með mér á þessi ósköp .. Rosalega fínt alveg, góður matur og góð skemmtiatriði. Reyndar var auglýst að ballið átti að vera fram á rauða nótt... ballið var til 1.. hehe..

Ööööö vá hvað er erfitt að rifja eitthvað svona upp.. er bara ekki frá því að ég sé byrjuð að kalka.

Ég fór ekki á Akureyri seinustu helgi. Var frekar heima á skaganum góða að vinna mér inn penge, ekki veitir af. Ég vil ekki enda eins og blessaða stelpan sem "leikur" sér fyrir framan webcam fyrir moní til þess að borga visa reikningin sinn..hoho...
Hinsvega fór þórey sín á akureyri og við vitum öll hvernig það endaði. En ég vil meina að það hefði ekki komið fyrir hefði ég verið á staðnum og passað þessa elsku .

Ég er komin með sumar vinnu. Verð að vinna á rannsókn upp í Grundartanga, lýst bara ágætlega á það sko, byrja 16 maí, vúhú.

7 skóladagar eftir af skúlen, úff hvað ég get ekki beðið, verður himneskt að þurfa ekki að mæta í þennan skóla.
Ég er búin að ákveða það að ég ætla ekki í þennan skóla á næstu önn. Eins og flestir vita þá er ég ágætur tossi svona, get ekki setið kjurr tímunum saman og lært og hlustað og tekið eftir. Ég vil frekar fara í einhvern skóla sem ég er virkilega að gera eitthvað.... endilega látið mig vita af einhverjum svoleiðis ef þið vitið um .

Fáeinir mánuðir í hana Ástu sín, úff hvað verður gott að fá þessa elsku heim, litla ítalan :* ...

Sakna þeirra í Englandi mjöög. Jófríður er sem betur fer svo dugleg að setja inn myndir af þessum ormum oooo þeir eru svooo sætastir.

Gunna og Halli á Reyn (þar sem ég hef unnið undanfarin sumur) voru að eignast litla prinsessu þann 15 apríl, er að fara að kíkja á mæðgurnar núna á eftir, ooo verður æðislegt

Lokaball næstu helgi og það verður fyrsta skólaballið sem ég hef farið á í heilt ár.. vóóóó....
Þessa helgina ætla ég að taka því rólega.. horfa á lokaþátt bandsins hans bubba í kvöld með þórey og skál af nammi og gotteríi
Svo er ég barasta að fara að loka á dominos annað kvöld...

Ég bara nenni ekki að skrifa meira.
Góða helgi öll sem eitt :*

Kveðja
Bubbi Morthens

Þar sem englarnir syngja sefur þú
sefur í djúpinu væra.
Við hin sem lifum, lifum í trú
að ljósið bjarta skæra
veki þig með sól að morgni
veki þig með sól að morgni.

Drottinn minn faðir lífsins ljóss
lát náð þína skína svo blíða.
Minn styrkur þú ert, mín lífsins rós
tak burt minn myrka kvíða.
Þú vekur hann með sól að morgni
þú vekur hann með sól að morgni.

Faðir minn láttu lífsins sól
lýsa upp sorgmætt hjarta.
Hjá þér ég finn frið og skjól.
Láttu svo ljósið þitt bjarta
vekja hann með sól að morgni
vekja hann með sól að morgni.

Drottinn minn réttu sorgmæddri sál
svala líknarhönd.
Og slökk þú hjartans harmabál
sít sundur dauðans bönd.
Svo vaknar hann með sól að morgni
svo vaknar hann með sól að morgni.

Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
Svo vöknum við með sól að morgni
svo vöknum við með sól að morgni.

Svo vöknum við með sól að morgni
svo vöknum við með sól að morgni.

Þetta lag er tileinkað góðum vini, bekkjarbróður og yndislegum strák honum Þorvaldi.

Þessari elsku mun ég aldrei gleyma og mun hann fylgja okkur um ókomna tíð.

Guð geymi þig og hvíldu í friði, fallegasti engillinn á himnum :*

Góða kvöldið.

Allt ágætt að frétta hérna megin.

Bænastund var haldin núna í gær fyrir þá Þorvald og Halla. Rosalega falleg athöfn og mér fannst æðislegt að sjá hversu margir komu. Greinilegt hversu margir eru með hugann hjá þeim, æji þetta er svo erfitt :/.

Á laugardaginn var þorrablót. Og já það var svo sannarlega skemmtilegt skal ég segja ykkur.
Valdís kom hérna til mín og við skruppum upp á Teigarási í smynk til Guðrúnar, urðum alveg agalega sætar skal ég segja ykkur .
Við fórum svo aðeins heim og kíktu katrín og bergný í smá heimsókn, og það er ekkert smá hvað bergný er orðin stór og þvílíka fallega barn, díí =).
Við fórum svo aftur upp á teigó og þar fengum við mojito, agalega gott alveg. Katrín skutlaði mér og Valdísi síðan upp á Miðgarð.

Skemmtiatriðin voru alveg frábær, og ballið enn betra, bara só sorrí þeir sem voru ekki þarna . Allavega stóðst þetta þorrablót eftir væntingum, hlakka til að fara aftur eftir ár.

Á morgun er árshátíð, ó jújú. Ég ætla ekki að fara, en er að hugsa um að skella mér á ballið, ég verð eiginlega að fá að sýna júníform kjólinn minn, annað gengur ekki sko .
Svo er frí og svona flottheit á föstudaginn, og honum verður eytt í smá kósíheit :*.

Aldís er að fara ásamt 17 vinkonum sínum út til Manchester til Jófríðar á föstud.. Og ég verð að passa litlu gullin mín smá.

En hef þetta ekki lengra.

Eitt að lokum, hugsið hlýtt og vel til elsku þorvaldar og halla okkar, þeir þurfa á því að halda.

Ykkar Sunnsí :*

Hæ.

Þar sem ég kem mér ekki til að sofa langaði mig að skrifa örfá orð hér inn.

Hræðilegir atburðir hafa átt sér stað, ég er ekki búin að hugsa um annað en þetta slys. Þetta á engin skilið og sérstaklega ekki þorvaldur okkar og halli okkar.
Eins og flestir vita þá er þorvaldur þungt haldinn en við verðum bara að vera jákvæð og hugsa vel til hans og biðja guð um að vaka yfir honum , vildi óska að það væri eitthvað sem maður gæti gert, en það er bara tíminn sem læknar.

Annars þá er helgin liðin og ný skóla og vinnuvika hafin.
Helgin var svosem fín, föstudagur fór bara í smá rúnt og svoleiðis.
Á laugardeginum blönduðum við stelpurnar kokteila ásamt því að hafa þema, og var þema rapp, og fær rósa vinninginn fyrir frumlegasta búninginn.
Eftir kokteil drykkju var farið á breiðina og tjúttað við xxx rotweiler, ég var þó ekki aalveg að finna taktinn svo ég hentist á mörkina með unni. Eftir mörkina kíkti ég svo í smá partý til sigga ella og var það bara nokkuð fínt.
Um 7 leytið vorum við unnur þó orðnar smá þreyttar svo við fórum heim til hennar og hún var svo myndarleg að steikja egg og pulsur, voða gott í svona tóma maga :] hún skutlaði mér síðan heim og ég sofnaði vært.

Núna er megavika hafin á dominos og ég er að vinna alla dagana nema 1, moní moní.

Á laugardaginn er svo hið langþráða þorrablót umf. þrasta. Mig er búið að hlakka ekkert smá til, en þetta verður öðruvísi þetta árið þar sem maður er alltaf með hugan hjá þorvaldi og halla.

Ömmm hvað get ég sagt meira.
Ætla að skundast með aldísi sætu systur til rvk á föstud. og finn dress fyrir blótið, svo er það brúnkusprautun og svona fínheit á fimmtud.

En ég segi þetta fínt í bili.
Enda þetta með 3 ógleymanlegum myndum



Uuuuu ég veit ekki heldur hvað við erum að gera?

Bestu vinkonunnar með rauða bandið á milli sín, hoho (ich og þórey sín :* )

En farið vel með ykkur öll sem eitt.

Ykkar Sunna :*

Jæja, það er næstum því komin mánuður síðan ég bloggaði seinast, hingað og ekki lengra segi ég bara .

Jább ég er komin heim til Íslands. Flugum þann 10 desember um 9 leytið. Í alvöru talað þá hélt ég að þetta væri mín síðasta stund. Þetta var gjörsamlega hrææææðileg flugferð! Við fórum upp og niður og já, þetta var skelfilegt. Svo var ein kona fyrir aftan mig sem grét og grét og grét og sagði að við myndum deyja, en við lentum þó heil á húfi, eftir að hafa þurft að fljúga yfir landið í smá tíma því við máttum ekki/gátum ekki lent strax vegna veðurs.
En pabbi minn elskulegi sótti mig á flugvöllinn og ég get sagt ykkur það að það var rosalega erfitt að kveðja þessi gull.
Þegar ég kom heim um 3 leytið, sóttu rósa, villa, óli og þórey mig, það var æðislegt að hitta þessar elskur og voru þau með rauðvín og osta og kex, mm besta heimkoma sem maður getur hugsað sér

Svo eru dagarnir búnir að líða ansi hratt, búin að fara á þónokkur djömmin og svona svaka stuð.

Hey já, meðan ég man, gleðileg jól og gleðilegt nýtt ár :*

Ég fékk svo margt fallegt og flott í jólagjöf.

Kjól úr JÚNIFORM (íslensk hönnun) sem ég er ástfangin af, flottasta hönnun í heimi.. (mamma og pabbi)

Buxur í stíl við kjólinn úr júniform (aldís og co)

síðan fékk ég, hálsmen, hring, nærbuxur, naglakk, gjafabréf í andlitsbað, fósbræðraseríu, 2 náttföt, bodylotion, 2 ilmvötn, pening, snyrtidót, nokkra dvd diska, veski, allskonar hreinsivökva og svoleiðis, og margt fl. æðislegar gjafir alveg.

Aðfangadagur var æðislegur. Vaknaði fyrir allar aldir til þess að horfa á barnaefnið (eins og ég geri alltaf á aðfangadag, þrátt fyrir 18 ára aldur) en barnaefnið í ár var hreint og beint glatað.
Ég fór svo á reynigrundina til aldísar og co og hjálpai henni að undirbúa stórveisluna fyrir kvöldið. Skundaðist svo með villu og rósu upp í kirkjugarð, og setti kerti hjá elsku öfunum mínum, eftir það máttu jólin bara fara að koma.
Ég og pabbi vorum heima hjá aldísi og co svo um kvöldið og ég át á mig ca 5 kg. Alltof alltof gott, hamborgararhryggur og gæs, mmmmmm. Í eftirrétt var svo heimalagaður ís að hætti aldísar. Síðan opnuðu þau pakkana en ég og pabbi fórum svo heim um hálf 11 leytið og biðum þangað til mamma kæmi heim, og átum við frómas og osta og kex ásamt því að opna allar þessar dásamlegu gjafir

Áramótin voru einnig æðisleg. Við borðuðum hérna heima ásamt ella og ömmu, rosalega gott að borða eins og henni móður minni er einni lagið. Kalkúnn og reykt lambakjöt og svo auðvitað frómas í eftirrétt . Svo horfðum við á annálinn öll saman og svona og skelltum okkur svo á reynigrundina. Þar fengum við allskonar gott að drekka ásamt því að reyna að skjóta aðeins upp í þessu skítaveðri. Við spiluðum svo öll saman og henti ég mér svo á ball, sem var líka svona agalega leiðinlegt, þannig að kvöldið endaði á mörkinni.

Núna er komin janúar og skólinn byrjaður. Ég er algjörlega búin að snúa sólarhringnum við þannig ég verð að fara að læra að vakna svona á morgnana.
Ég er í rosa fínum tímum og lýst bara vel á þetta allt saman.

Svo erum við valdís að fara að taka okkur í gegn. Ég þarf að fara að passa matarræðið örlítið. Ég, óli og villa fórum áðan upp í skógrækt og skokkuðum, ægilega gott svona, en já þolið mitt er bara farið í hundana, en það er bara að fara að vinna það aftur upp .

Ég er farin að fá svona söknuðartilfinningu af að vera ekki úti. Rosalega margs sem ég sakna þaðan og þá allra helst litlu strákanna, get ekki beðið eftir að hitta þá einhvern tímann á þessu ári, þeir eru svo sætastir :*

 
En já talandi um það að ég verði að fara að snúa sólarhringnum aftur við , er þá ekki bara málið að skella sér í beddann núna (kannski kíkja smááááá á sex and the city, bara smá

Hafið það gott og það væri ágætt að fá nokkur komment sko ;p.

Ykkar Sunnsí :*

Góðan daginn.

Það er komið að því, dvöl mín hérna hjá þessu æðislega fólki og sætustu og dýrmætustu molunum er á enda.. Þessi tími hérna er búin að vera ógleymanlegur og þetta er eitthvað sem allir ættu að prófa.

En í dag er s.s. mánudagurinn 10 des. Ég er búin að pakka í tvær töskur og eru þær alveg stútfullar (þó svo að mamma fór heim með stútfulla tösku frá mér af jólagjöfum, þá er ennþá svona mikið eftir). Ég þarf þó eina tösku í viðbót undir nokkra skó og kápur ..

Helgin var rosalega róleg og góð. Á föstudaginn fórum ég, jóka og daníel í trafford center. Ég var bara að dúlla mér með Daníel á meðan jófríður fór að kaupa meira af jólagjöfum .
Svo kom jói og við fórum öll að borða á rosalega góðum stað þarna, sem ég man ekki alveg hvað heitir.. og snæddi guðjón pabbi hans jóa einnig með okkur ..

Laugardagurinn fór bara í dúllerí hérna heima..

Í gær vaknaði ég með gullmolunum um 7 leytið. Horfðum á barnaefnið og svona notó..
Svo um kvöldið var jóka með ekkert annað en hangikjöt með öllu tilheyrandi, mm hvað þetta var gott.. alveg æðislegt

Svo núna í dag vaknaði ég bara eins og venjulega og var með daníel inga á meðan jóka skutlaði jóel og ísak í leikskólann og skólann..

Daníel Ingi er byrjaður að halda höndunum upp í loftið þegar er spurt hann hvað hann er stór, og svo er hann líka farin að veifa bæbæ, aalgjört krútt, hann varð núna 3 des 8 mánaða gamall prins

Ég er búin að heyra að það sé víst allt á kafi í snjó heima, er það rétt ? Ég ætla bara rétt að vona það, er farin að sakna veðursins á kalda íslandi.

En ég nenni ekki að skrifa meira..

SJÁUMST Á ÍSLANDI ELSKURNAR :*:*

 

Ég á svo sannarlega eftir að sakna þeirra rosalega :*

Já sæl aftur..

Það líður ekki eins mikið milli blogga hjá mér núna..

Allavegaa. Veit ekki alveg útaf hverju ég er að blogga núna, þar sem ég hef ekki frá neinu merkilegu að segja eiginlega..

Ég er að fara að koma heim eftir 5 daga... trúiði þessu, ég nefnilega trúi því ekki.
Var einmitt heima með Daníel litla í dag og varð hugsað til þess að ég á ekki oft eftir að vera að passa þennan mola og ekki heldur hina 2.. gerði mér ekki alveg grein fyrir því, verður ótrúlega erfitt að kveðja þessa prinsa, en þau verða dugleg að koma í heimsókn til Íslands, þannig að ég get nú fengið að knúsa þá af og til .

Annars þá splæsti ég í afar nytsamlegan hlut í gær, pabbi er þó ekki sammála mér að hann er nytsamlegur, en það er það í mínum augum .
Ég keypti mér svona HairDO sem Jessica simpson framleiðir... þú klemmir þetta einhvern vegin undir hárið og valla þú ert komin með sítt hár og MJÖG raunverulegt.. svo þegar þú nennir ekki að hafa sítt hár lengur, þá bara kippiru þessu úr þér, agalega sniðugt svona .

Það eru eiginlega allir dagar bókaðir hjá mér þegar ég kem heim.
Byrja auðvitað að vinna á dominos, eins og ég hef oft sagt.
Fösudaginn 14, þá ætlum við nokkrar Heiðarskólapíur að hittast og fara út að borða, eða ég og Sigurbjörg vorum allavega búnar að plana það nokkurnvegin , fara svo og fá okkur smá í tánna en hafa rólegt og skemmtilegt stelpukvöld, mig hlakkar sko strax til.

Svo var hún ingibjörg svo sniðug og pantaði í lazertag fyrir allt liðið, 16 stk, á sunnud. Guð hvað það verður gaman .
Svo mér mun allavega ekki leiðast þegar ég kem heim, ekki að ég hafi samt haldið það .

Mest af öllu hlakkar mér til að knúsa þau róbertu og pálma og gera eitthvað skemmtilegt með þeim. Ég komst að því að það er svokallað jólaland í hafnarfirði, sem er víst voða kósý með allskonar básum og maður á að komast í jólafýlingin alveg í hundrað, og planið er að fara með þau þangað 22 des, og ætla ég að reyna að draga hana Valdísi mína með mér .

Ég er orðin svona líka þreytt og ætla því að skella mér í beddann.. ókey ég er að ljúga, ég ætla að horfa á nokkra friends þætti og svoo að fara að lúlla ..

Ég lofa að koma með eitt blogg í viðbót áður en ég kveð Englandið, lofa, lofa, lofa.. .

Þangað til næst..

Ykkar Sunnsí =*

p.s. ég var að æfa mig að syngja og dansa áðan  http://kvikmynd.is/video.asp?land=&offset=0&ba=leita&leit=upprennandi%20barnastjarna&id=4780

http://www.jibjab.com/starring_you/receipt/3760484

já ég og þórey tókum trylltan dans... njótið  

 

Afmælidagurinn 1 des, 2007.

Tileinka honum Pálma Rúnari mínum sætasta þetta blogg. Þann 1 des árið 2005, kom í heiminn einn fallegasti og dýrlegasti drengur sem fyrir finnst. Veit varla hvar ég væri án hans. Get ekki beðið eftir að fá að knúsa hann og gefa honum gjöf þegar ég kem heim :*:*

 

:*

 

 

 

En komiði sæl og blessuð.

1 des genginn í garð. Og jólin eftir 23 daga, þetta er nú bara ekkert eðlilegt hvað þetta er fljótt að líða. Mamma og Róberta flugu heim til Íslands á mánudaginn, var smá seinkun, þær áttu að lenda heima kl hálf 12 um miðnætti en voru ekki lentar fyrr en um 3 leytið .

Annars þá er þessi vika búin að vera voða fín. Aumingja Jóel og Daníel eru báðir búnir að vera veikir, Jóel er samt núna orðin vel hress en Daníel er ennþá smá veikur .

Núna eru gestir hjá okkur. Mamma Jóa og fleira skyldfólk hans, æðislegt fólk alveg .

Heyrðu ég er bara að fara að koma heim. Margs sem mig hlakkar til. Hitta alla aftur og knúsa og kyssa, baka jólasmákökurnar, pakka inn gjöfunum, dreifa jólakortunum, byrja að vinna á dominos, fá að sjá nýja húsið hjá aldísi og ísólfi, passa gullin mín og gera fullt fullt skemmtilegt með þeim.. ji ég gæti talið lengi lengi.

Veðrið hérna er búið að vera alveg hundhundleiðinlegt, rok og rigning og svona óskemmtilegheit.

Hef frá voða litlu að segja eitthvað.
Kem með ca 2 blogg áður en ég kem heim

Sunnsí-

http://slytherin.hex.is/tts/ragga/20071127/0422f4ac99a5c2163f428e7065c655e8.wav

Eins gott fyrir ykkur!!

Vil byrja á að þakka ykkur fyrir æðisleg komment, svo gaman að fá svona frá ykkur :*
Ég vil líka segja ykkur frá því að fyrir rúmri viku fékk ég pakka sendan hingað, og var hann frá Valdísi minni, æðisleg sæt mynd af okkur saman í æðislegum ramma.
Takk valdís enn og aftur :*:*

Annars vil ég byrja á því að segja ykkur frá því að mamma og Róberta eru loksins komnar eftir langa bið. Komu hérna á föstudagskvöldið og þið getið ykkur ímyndað ykkur hvað ég var ánægð að sjá þær og knúsa þær.
Ég og Jófríður sóttum þær á flugvöllinn og svo skutlaði hún okkur beint á veitingastaðinn Milan. Þar sötruðum við rauðvín og borðuðum rosa gott með, og róberta líka(hún borðaði gott með, ekki drakk rauðvín, eins og óli hélt ). Einn þjónanna var svona agalega skotin í mömmu og sló henni gullhamrana í röðum
Við tókum svo taxa hingað heim, horfðum á sjónvarpið og sofnuðum svo frekar snemma.

Ég vaknaði svo um morguninn við það að Róberta mín kyssti mig og knúsaði og var það besta uppvakning sem hægt er að hugsa sér.
Laugardagurinn fór í verslunarferð í miðbæ manchester, fórum í parísarhjólið og svona, rosalega skemmtilegt, ætluðum á skauta sem er nýkomið en þar sem þar var rigning þá létum við það alveg ógert.. það var alveg roosalega mikið af fólki, enda frídagur breta, maður var bara eins og maur þarna í stórri mauraþúfu, en þetta var samt rosalega gaman þrátt fyrir það..
Við áttum svo pantað borð kl 5 á San carlo sem er uppáhalds uppáhalds veitingastaðurinn minn, mm, sá allra besti, og ekki skemmir fyrir að það eru ítalar sem vinna þarna og eru aaaafskaplega myndarlegir skal ég segja ykkur .
Eftir alltof góðan mat og eftirrétt og heila rauðvínsflösku tókum við taxa hingað heim. Svo röltum við mamma sæta út í búð og sýndi ég henni húsið hans Ryan Giggs, við vorum þó sammála því að það var annað hús þarna rétt hjá hans sem er mun flottara .
Síðan var kvöldið bara tekið rólega með nammiáti og örlitlum bjór. Ég og mamma horfðum síðan á Strákarnir okkar (sem er uppáhalds bíómyndin mín um þessar mundir, að ég hef ekki tölu á því hversu oft ég er búin að horfa á hana, ég kenni samt Björn Hlyni um sem er svona alltof alltof sætur). Síðan röbbuðum við moms lengi lengi saman, oh svo gott að fá hana hingað, en fyrir þá sem ekki vita þá er ég aaalgjör mömmustelpa

Í dag vöknuðum við svo og skelltum okkur í Matalan þar sem mamma keypti þónokkuð margar jólagjafir og ég keypti mér of mikið af fötum á meðan Róberta fékk að fara með ísak, daníel, jóel, jóa og jóku að sjá jólasveinin.
Svo eftir þessi miklu kaup var eitthvað vesen að fá taxa að við biðum í alveg klukkutíma. En að lokum buðust jói og jófríður að sækja okkur, og var það alveg æðislegt..
Svo erum við bara búin að hafa það gott í dag. Jófríður var með rosalega góðan mat, og allt eins og það á að vera. Morgundagurinn er svo planaður, förum í trafford center og svo fljúga þær heim kl 9.

Ég er svo bara að fara að koma heim eftir 15 daga, jii trúi því varla.
Ég er búin með alllar jólagjafir, fyrir utan að kaupa aðeins meira handa pálma og mömmu.. svo er ég búin með öll jólakort, þannig að ég þarf voða lítið að gera þegar ég kem heim í desember, fyrir utan að vinna og baka smákökurnar .

Þær eru sko sætastar :*

En ég segi þetta gott.. blogga seinna við tækifæri.

Sjáumst eftir 15 daga :*

..ég bloggaði síðast..
Er búin að vera smá busy svona.. en hérna fáiði fréttir ..

Ég nenni varla að fara að rifja upp allt sem ég hef gert síðan ég bloggaði síðast.
En ég er allavega búin að kaupa 5 jólagjafir svo það eru aðeins 20 eftir , úff..

 

En á sunnudaginn þann 11 kom Jófríður inn til mín og sagði að ég ætti að pakka niður í litla tösku því við værum að fara í óvissuferð í 2 daga. Þetta var ekki óvissuferð lengi því hann Ísak sætasti sagði mér að við værum að fara til Parísar til þess að fara í Disneyland.
Þið getið rétt ímyndað ykkur hvað ég varð ánægð.

Við brunuðum út á flugvöll og flugum kl 1 leytið. Vorum svo komin til Parísar um 4 á frönskum tíma. Þá tókum við leigubíl upp á hótel sem tók um 40 mínútur. Vorum á hóteli sem hét Holiday inn, mjög svo flott og mikið af allskonar leiktækjum fyrir börn þar inni.
Þvílíkt góður maturinn þarna á hótelinu og eftirréttirnir, úff.. þvílíkt gott.

Svo var bara hent sér í beddann snemma þar sem viðburðarríkur dagur, daginn eftir.

Ég vaknaði um kl 8. Ætlaði varla að trúa því að ég væri virkilega í París!
Við fórum svo öll niður í morgunmat um hálf 9. Biðum svo og biðum eftir rútu sem átti að koma á kortérs fresti til þess að bruna í Disneyland, en hún kom aldrei. Svo reyndist bara vera að rúturnar væru í verkfalli og engin kom og sagði okkur frá því.
Þannig við tókum taxa í disneyworld.


Í disneylandi var æææðislegt. Þvílík upplifun. Þessi garður er örugglega svipaður og Akranes að stærð, obbalabobbala. Það tók á móti okkur jólalög hljómandi útum allan garð... allt skreytt með jólaskrauti og risajólatré.
Ég get ekki sagt frá öllu því við vorum þarna eiginlega allan daginn.
Eftir disneyworld fórum við út að borða á Steak house, rosa gott.
Röltum svo aftur um disneyworld því okkur langaði svo að sjá allt þegar það væri komin myrkur, og þvíílík fegurð. Get ekki lýst þessu.
Þetta er allavega garður þar sem öll börn þurfa að fá að upplifa og líka bara allir.
Við fórum svo öll þreytt eftir æðislegan dag upp á hótel, og steinsofnaði um 9 leytið.

Í dag vaknaði ég svo um 9 leytið. Tók mig til og pakkaði niður í tösku.
Fórum svo frá hótelinu um hádegi og fórum og fengum okkur að borða. Tókum svo taxa niðrá flugvöll og flugum um hálf 5. Vorum svo komin í húsið okkar góða um 6 leytið.

Æðisleg ferð í alla staði. Ég er ekkert neitt smá heppin að fá að upplifa svona, þau eru svo æðisleg :*

Ef þið viljið skoða myndir þá kíkið bara á www.myspace.com/sunnsi89

Næstu dagar fara í jólakaup.
Ég er búin með 5 og þá eru aðeins 20 to go , úff.. ég er samt búin að finna allar gjafirnar sem ég ætla að gefa stúlkunum mínum
Svo förum við Jófríður bráðum í Toys'r'us og þar ætla ég að kaupa handa öllum börnunum mínum:*

Aðeins nokkrir dagar í endanlega heimkomu. Verður smá skrítið að flytja heim. Þetta er búið að líða svo fljótt að það er ekki eðlilegt.
Byrja eiginlega um leið upp á dominos, verð í 100% vinnu út desember.. en minnkar eitthvað auðvitað þegar ég byrja í skóla (sem ég er engan vegin að nenna)..


Mamma og Róberta koma svo ekki núna á föstudaginn heldur næsta. Aldís kemur því miður ekki, því hún verður á fullu að flytja inn í nýja húsið, sem ég get ekki beðið eftir að sjá.. lítill fugl hvíslaði að mér að ég mun fá mitt eigið herbergi þar, hehe

Mamma mín yndislegasta verður að vinna á aðfangadagskvöld ;'( ég er svo hundfúl. En svona eru þessar hjúkrunarvinnur.
Ég og pabbi verðum hjá aldísi og co í nýja húsinu, sem verður auðvitað æðislegt. Mamma kemur svo heim um miðnætti, þá förum við litla fjölskylda heim og opnum pakkana.

Ég er allavega búin að ákveða það að á næsta ári (um jólatímabilið ætla ég að fara með Róbertu og Pálma minn til Parísar og beint í Disneyland. Langar svo að ég fái að sjá þau upplifa þetta. Ooo ég sakna þeirra svo.. svo aldís ef þú lest þetta þá endilega segðu þeim frá hvað sunna ætlar að gera með þeim eftir ár

 En maður kemst svo sannarlega af því þegar maður fer svona frá landinu sínu lengi.. hverjir eru sannir vinir manns. Ætla ekki að nefna nein nöfn, een þið hin vitið hvað þið eruð yndisleg :*   

En ég er að spá í að henda mér í beddann.. klukkan að ganga 9 hérna í englandi, en ég ennþá föst í frönskum tíma svo klukkan er eiginlega að verða 10 ..
Svo góða nótt elskurnar :**

Mæli með www.jolastjarnan.net .. svona fyrir þá sem eru komnir í jólastuð eins og ég..


Ég kveð annars með risastórt bros á vör...

Ykkar Sunnsí :*

Ég skal blogga fyrir þig Þórey mína, reyndar langaði mig dáldið að blogga sjálf .

 

Hef frá voða litlu að segja eitthvað. Alltaf sama fjörið hérna í Englandi allavega.

Ég held ég eigi örugglega besta pabba í heimi, eiginlega langbesta.
Ekki nóg með það að hann hafi gefið mér rauðu sætu toyotuna mína, heldur þá er hann búin að setja nýja dempara bæði að aftan og framan og kaupa nýjan vatnskassa. Svo toyotan verður eins og ný þegar ég kem heim. Ég kannski viðurkenni núna að hann dekri mig oggupons .
Talandi um bíla, þá er pabbi svona eiginlega búin að fjárfesta í nýjum benz, miklu nýrri heldur en okkar sem við eigum núna, dökkdökkblár og með leðursætum og öllum græjum.
Vona bara að ég fái einhvern tímann að keyra þennan kagga .

Gleymdi alltaf að segja frá því að ég er komin á SÉNS, reyndar með 80ræðum karlmanni sem er garðyrkju maðurinn hérna. Hann bankaði einhvern tímann og ég var ein heima með Daníel og opnaði fyrir honum og hann fór að babbla eitthvað sem ég náði ekki alveg.
Svo þegar Jófríður kemur heim segir hún mér að kallinn hafi verið að tala eitthvað um mig og hvað ég hafi verið í flottum buxum, aha aha.
Svo bara núna fyrir viku ca, kemur hann og slær garðinn og Jói er komin af æfingu og er að labba inn í húsið, segir þá ekki karlbjáninn, I was hoping to see your aupair.... hehe örlítið spes, en það er bara gaman að þessu .

Heyy það munaði einni tölu í lottóinu hjá pabba og mömmu af þau höfðu unnið heilar 15 milljónir spáið í því.. það vantaði eina bévítans tölu, ussum svei.

 

Nokkrir dagar í aldísi, mömmu og róbertu, en því miður kemur hann Pálmi minn ekki með :/ þar sem þær verða svo stuttan tíma þá er bara basl að hafa prinsinn minn með. Þannig ég þarf að bíða oggolítið lengur til þess að knúa hann.
Róberta mín er komin með stutt hár. Hún sem alltaf var með niðrá rass, ég get sagt að ég fékk smá sjokk, en hún er víst agalega ánægð svona svoo..

Það fer að líða að því að ég fari að versla jólagjafirnar.. Er að spá í að byrja bara á þeim núna um helgina..Var að skrifa niður lista yfir þá sem ég ætla að gefa, og hann er tjah já langur, getum bara sagt það að ég flytji blönk heim í desember En ætla bara að byrja strax upp á dominos að vinna og vinnu í kringum jólin svo ég fái moní í janúar.

 

Ég er búin að borða alltof alltof mikið í dag. Jófríður bakaði þessa himnesku gulrótarköku sem ég gat ekki hætt að borða.
Svo eldaði ég í matinn, rosalega gott ítalskt pasta með ítalskri ostasósu, og hvítlauksbrauð með, og þar sem ég elska pasta meira en allan mat þá át ég á mig gat.

 

Við ætlum að byrja að hlusta á jólalög á fimmtudaginn, s.s 1 nóv. Jeijj hlakka svo til, þá kemur jólafýlingurinn sko í kroppinn.

En ég nenni ekki að skrifa meir.
Farin að kíkja á imbann kannski bara.

Ykkar Sunnsí..

pissst.. fleiri mega alveg kommenta, svo gaman að sjá svona 5-6 komment, myndi allavega gleðja mitt litla hjarta .

 

Enda þetta á nokkrum myndum af okkur hérna

 

Ég og Daníel Ingi, alveg eins og pabbi sinn

 

 

Jóel með óóið sitt á puttanum :/

 

 

Upload

Waaaake up little bunnies. Hopp little bunnies hopp hopp hopp. Jóel sæti :*

 

 

Smá sjálfsmynd af Ísak sæta :*

 

 

Og önnur, svaaka flinkur..

 

Daníel og Ísak, algjörar dúllur.

 

Ohh þeir eru svo miklir gullmolar :*:* 

Good afternoon my daarlings

Er búin að hafa það alltof alltof gott hérna síðustu daga, búið að vera rosa mikið fjör.

Á miðvikudagsnóttina komu þeir björn bergmann bróðir Jóa og jón axel vinur hans, voða fínir og skemmtilegir strákar. Svo á föstudeginum fórum við öll saman i trafford center og fengum okkur að borða og versluðum smá..

Gaman samt að segja frá því að á fimmtudagskvöldinu fór ég niður og ætlaði að fá mér vatn, heyrðu þegar ég labba inn í eldhús þá var allt gjörsamlega á floti, þá hafði flætt upp úr klósettinu og allt rennandiblautt, æðislega skemmtilegt að þurrka þetta upp .

Föstudagskvöldið komu svo Bjarni bróðir Jóa, Anna María kona hans og Jói Kiddi og Helga María börnin þeirra, rosalega skemmtilegt að fá þau.
Á laugardeginum var svo vaknað örlítið snemma. Aumingja Jóel litli minn klemmdi sig svo rosalega illa að efri hlutinn á löngutöng nánast hékk bara, þannig Jófríður fór með hann upp á spítala þar sem hann var rosalega duglegur.
Svo var skellt sér í trafford center þar verslaði ég afmælis gjöf handa pabba gamla sem verður 45 ára núna á föstud. og mikið rosalega er erfitt að finna gjöf handa pöbbum, sjííí. Svo fengum við okkur öll að borða á pizza express sem eru örugglega bestu pizzur sem ég hef smakkað, mmm..
Svo um kvöldið skelltu þau sér út að borða og ég passaði yndislegu börnin :*.. algjörar dúllur.

Sunnudagurinn fór bara í róleg heit en fórum svo niðrí miðbæ, æðislegt að labba svona um bæjinn þegar það fer að koma kvöld. Ákvöðum svo að reyna að finna pöbb til þess að borða á en allstaðar var alveg klukkutíma bið þannig við enduðum á mc donalds í trafford center hehe..

Á mánudeginum fóru þau svo öll heim..

Þessi vika er búin að vera voða róleg.
Ísak er í miðannafríi og Jóel er heima vegna puttans. Erum bara búin að hafa það agalega kósí. Ísak fer reyndar alltaf í plasydays sem er svona leikjanámskeið nokkurnvegin.

Mamma, Aldís, Róberta og Pálmi koma hingað 23 nóv, oh hvað það verður æðislegt. Ég verð alveg í fríi þessa helgi svo þetta verður svaka fjör. Er einmitt að fara að undirbúa þetta allt saman, s.s. hvað við ætlum að gera og svona, vei hvað mig hlakkar til!

Svo kem ég heim 10 des, eða það er segja flyt heim þá. Ég samt svona eiginlega tými því ekki þar sem það er svo gaman hérna, en ég held að það sé best upp á skólann og þess háttar.
Valdís bjargaði mér einmitt með því að sækja um skólavist fyrir mig og raða inn öllum fögum í dag, þannig að hún ég er að fara í skóla næstu önn, um að gera að reyna að klára stúdentinn sem fyrst.
Svo ætla ég að vinna með skólanum auðvitað og byrja að safna og safna, það er ekkert mjög langt í það að maður fari að byrja að hugsa um íbúðarkaup og þess háttar, maður getur ekki alltaf lifað á hótel mömmu :* þó svo ég væri ekkert á móti því..

Ég ætla allavega að stefna að því að vera komin með íbúð árið 2011.. ;p

Ég er byrjuð að fara út að skokka aftur, og mikið rosalega er þolið mitt orðið lélegt, þó svo að þetta hafi ekki verið margir dagar sem ég sleppti úr. En það er bara að bíta á jaxlinn og fá þolið sitt aftur.

Stutt í jólin, 2 mánuðir í dag.
Ég ætla að fara að byrja að kaupa jólagjafirnar og svona, og vera alveg búin með þann pakka áður en ég flyt heim. Svo ætla ég líka þetta árið að senda fullt fullt af jólakortum, en það ætla ég reyndar að gera bara heima á kalda Íslandinu með kakó og jólalög, mm.

Ég og Valdís ætlum að gera eins og í fyrra og fara í Laugar spa fyrir jólin, mm það er svo gott. Ætlum svo líka að hittast á jólatímanum og gera smákökur og svoleiðis flottheit, kannski líka bara laufabrauð ?  

 Váá hvað mig hlakkar til jólanna.
Hérna ætlum við sko að byrja að hlusta á jólalög í nóvember, og hlökkum sko til .

En segi þetta gott í bili..

Sjáumst/heyrumst  :*

-Sunnsí!!

 

Hæ elskurnar.

Þá er ég komin "heim" til Englands eftir 10 daga á Íslandi.
Þessir dagar voru hreint og beint ææðislegir.

Kom á föstudeginum, lentum um hálf 12 leytið um miðnætti, og ég var búin að ákveða að koma öllum á óvart, fyrir utan familíuna. En einhvern vegin náði það að fréttast mér til mikillar óánægju!
Allavega þá biðu Aldís og mamma eftir mér og það var ólýsanleg ánægja að sjá þær. Svo skutumst við bara heim þar sem pabbi beið með allt í kertaljósi, nýbakaðan brauðrétt og rauðvín, mmm. Svo kom Ingibjörg mín og sótti mig og við fórum niðrá skaga og þar hitti ég evu,þórey, villu og óla og fórum smá á mörkina og þar hitti ég valdísi mina :*.
Æðisleg nótt alveg þó að þetta hafi aðeins misheppnast með surpriseið

Ég vaknaði svo á laugardeginum um 11 leytið og brunaði upp á Krókatúnið til þess að knúsa elskurnar mínar þau Róbertu og Pálma, úff hvað það var gaman að hitta þau, ég bætti mig aðeins meira inn á vinsældarlistann með því að gefa þeim nokkrar gjafir .
Við skelltum okkur svo í bíltúr og fórum á dominos til þess að fá okkur pizzu og svo í bónus þar sem ekki var sparað að kaupa nammið.. æji þetta var svo gaman að vera með þeim.

Um kvöldið var svo októberfest ballið. Hittumst heima hjá Þórey, sem var svaka stuð og síðan var haldið á ballið. Þar skemmti ég mér alveg konunglega, fór síðan með guðrúnu frænku og reyni heim til þeirra þar sem við borðuðum gæs með meðlæti, þvílíkt gott alveg. Gisti svo hjá þeim.

Svo var bara haft það ljúft og gott og með fjölskyldunni.
En svo á föstudaginn var fengið sér örlítið í glas, því hún Þórey mín var að fá bílprófið klukkan 12, það endaði svo með því að ég fór með villu á mörkina og þar var bara ágætt.

Laugardagurinn var æðislegur. Við mamma, aldís, róberta og pálmi fórum til reykjavíkur að hafa gaman. Byrjuðum á því að fara á skauta, eða það er að segja ég og róberta, þar sem við sýndum listir okkar, vorum þar nokkuð lengi en fórum svo á veitingastaðinn tivoli á laugarveginum, ég bjóst við geðveikt góðum mat, en þetta var eiginlega bara vont :/. En eftir matinn fórum við svo í kringluna í nammibúðina og rölt bara um kringluna.
Svo þegar við komum heim tók ég mig til og fór svo til Þóreyjar sem varð 17 ára þennan dag :* . Þar vorum við fullt af píum og ekkert neitt smá gott að borða, humarsúpa, kjúklingapasta og frönsk súkkulaði kaka í eftirrétt.. takk fyrir mig :*:*
Svo höfðum við bara gaman og spjölluðum mikið saman. Eftir það var haldið á skagann og tekið nokkrir rúntarnir og farið svo á mörkina (ekkert annað hægt að gera á akranesinu :/) þar var stuð og mikið fjör. Ég var svo komin upp í rúm um hálf 5 leytið.

Á sunnudeginum borðuðum við, mamma og pabbi og aldís, ísó, róbó og pálmi saman heima. Borðuðum bayonskinku með öllu tilheyrandi og mínu uppáhalds valdórssalati, mmmm síðan voru tvær kökur í eftirrétt sem ég og aldís bökuðum, segjum sem svo að ég hafi þyngst um ca 5 kg eftir þessa máltíð ótrúlega gott.

Svo fór kvöldið bara í rúnt með þórey og þórði, en þórey mín fór reyndar snemma. En ég var svo komin heim um 2 leytið.

En já eins og ég sagði frá áður þá er ég komin aftur í Englandið. Það er rosa fínt, miklu hlýrra heldur en heima. Ég var líka farin að sakna snúðanna minna :*..

Það eru fullt af gestum að koma hingað um helgina. Sem verður ekkert nema fjör. Svo voru mamma og aldís að tala eitthvað um að þeim langaði svo að koma í Nóvember..

En ég er að spá í að hætta þessu og skella mér í sturtu.
Svo verður maður að fara að passa mataræðið og byrja aftur á skokkinu svo maður komi fit heim í desember..

Takk allir fyrir þessa æðislegu 10 daga..

Ykkar Sunna :*